Visit of the Hungarian delegation to the college
სსიპ კოლეჯ „გლდანის პროფესიული მომზადების ცენტრს“ ეწვივნენ უნგრეთის Kaposvár Vocational Training Centre-ის წარმომადგენლები. სტუმრებს შორის იყო ცენტრის გენერალური დირექტორი და პროფესიული უნარების განვითარების სააგენტოს წარმომადგენელი.🎯 ვიზიტის ფარგლებში კოლეჯის დირექტორმა სტუმრებს გააცნო სასწავლო დაწესებულება. მათ დაათვალიერეს აუდიტორიები, სახელოსნოები და ფაბლაბის ლაბორატორია, სადაც დეტალურად გაეცნენ კოლეჯის ინფრასტრუქტურასა და სასწავლო პროცესს.აღნიშნულის შემდეგ გაიმართა კოლეჯის არსებული საგანმანათლებლო პროგრამების პრეზენტაცია, რომელსაც უძღვებოდა პროფესიული მასწავლებელი მარიამ ბებრიშვილი. პრეზენტაციის დასრულების შემდეგ გაიმართა კითხვა-პასუხის სესია, რაც მხარეებს საშუალებას აძლევდა გამოცდილების გაზიარებისა და სამომავლო თანამშრომლობის პერსპექტივების განხილვისთვის.სსიპ კოლეჯ „გლდანის პროფესიული მომზადების ცენტრი“ მადლობას უხდის სტუმრებს გამოჩენილი ინტერესისა და ნაყოფიერი შეხვედრისთვის. კოლეჯი აგრძელებს საერთაშორისო პარტნიორებთან თანამშრომლობის გაღრმავებას.
