LEPL College ″Gldani Vocational Education and Training Center″

College News / Intenal Activities

სსიპ - კოლეჯი "გლდანის პროფესიული მომზადების ცენტრი" პროფესიული განათლების ეროვნული ჯილდოს გამარჯვებულია 2 საკონკურსო ნომინაციაში

სსიპ - კოლეჯი "გლდანის პროფესიული მომზადების ცენტრი" პროფესიული განათლების ეროვნული ჯილდოს გამარჯვებულია 2 საკონკურსო ნომინაციაში

პროფესიული განათლების ეროვნული ჯილდო“ არის ყოველწლიური კონკურსი, რომელიც 2017 წლიდან იმართება და მიზნად ისახავს პროფესიული განათლების პოპულარიზაციას, მისი განვითარებისა და ბიზნესთან ინტეგრაციის ხელშეწყობას. კონკურსი აერთიანებს პროფესიული განათლების სფეროს წარმომადგენლებს, სტუდენტებს, მასწავლებლებს, საგანმანათლებლო დაწესებულებებსა და ბიზნესსექტორს, რათა გამოავლინოს წლის საუკეთესო პროექტები და ინიციატივები. ღონისძიების ფარგლებში გამარჯვებულები ოთხ საკონკურსო კატეგორიაში გამოვლინდნენ: ★ წლის პროფესიული განათლების მასწავლებელი ★ წლის პროფესიული განათლების პროგრამა ★ წლის პროფესიული განათლების სტუდენტი ★ წლის პროფესიული განათლების ბიზნეს პარტნიორი ⚜ სსიპ - კოლეჯი „გლდანის პროფესიული მომზადების ცენტრი“ წელს განსაკუთრებული წარმატებით გამოირჩეოდა, რადგან ორი ნომინაციის გამარჯვებული გახდა. ★ წლის პროფესიული განათლების მასწავლებელი – გურამ დავითლიძე, სსიპ - კოლეჯი „გლდანის პროფესიული მომზადების ცენტრი“. ★ წლის პროფესიული განათლების პროგრამა – „ინდუსტრიული დიზაინის შესრულება“, სსიპ - კოლეჯი „გლდანის პროფესიული მომზადების ცენტრი“. ეს აღიარება კიდევ ერთხელ უსვამს ხაზს კოლეჯის მაღალი ხარისხის პროგრამებს და მისი პროფესიონალი მასწავლებლების შრომას.

View More
ტრეფიკინგთან წინააღმდეგ ბრძოლის ცნობიერების ამაღლების ტრენინგი

ტრეფიკინგთან წინააღმდეგ ბრძოლის ცნობიერების ამაღლების ტრენინგი

18 ოქტომბერს ტრეფიკინგთან ბრძოლის ევროპული დღე აღინიშნება. ადამიანით ვაჭრობის (ტრეფიკინგი) წინააღმდეგ ბრძოლის კვირეულის ფარგლებში, 16 ოქტომბერს, სსიპ - კოლეჯ “გლდანის პროფესიული მომზადების ცენტრში” საინფორმაციო შეხვედრა ჩატარდა. პროფესიული სტუდენტების ცნობიერების ამაღლების მიზნით, ტრეფიკინგის შესახებ სასაუბროდ, მოწვეულები იყვნენ სსიპ სახელმწიფო ზრუნვის სააგენტოს სტრუქტურული ერთეულის თბილისის დაწესებულების წარმომადგენლები, მარიკა ჟორდანია და თამარ ძაგანია. მათ მონაწილეებს გააცნეს ტრეფიკინგის დანაშაულის განმარტება, ამ დანაშაულის წინააღმდეგ ბრძოლის პოლიტიკა და საკანონმდებლო ბაზა, შესაბამისი სახელმწიფო ორგანოების მანდატი, რეფერირების და დაცვის არსებული მექანიზმები და ასევე ადამიანით ვაჭრობის მსხვერპლთათვის ხელმისაწვდომი სერვისები. საინფორმაციო შეხვედრას 100-მდე პროფესიული სტუდენტი დაესწრო, მათი ყურადღება ძირითადად ბავშვთა ტრეფიკინგს დაეთმო. ინტერაქციის ფარგლებში, დაისვა კითხვები ტრეფიკინგის მსხვერპლთა უკეთ იდენტიფიცირების, გამოძიების, სისხლისსამართლებრივი დევნისა და დაცვის შესახებ. ადამიანით ვაჭრობა (ტრეფიკინგი) ადამიანის უფლებათა დარღვევის ერთ-ერთი მძიმე ფორმა და სერიოზული დანაშაულია. სსიპ - კოლეჯი “გლდანის პროფესიული მომზადების ცენტრი” უერთდება ტრეფიკინგის წინააღმდეგ ბრძოლის ევროპულ დღეს და აგრძელებს სამოქალაქო აქტივობებს სტუდენტების ცნობიერების ამაღლების მიზნით.

View More
დასაქმების ფორუმი 'გუდვილი'

დასაქმების ფორუმი 'გუდვილი'

2024 წლის 18 ოქტომბერს კოლეჯში დასაქმების ფორუმი გაიმართა. ამჯერად, ვაკანსიები წარმოდგენილი იყო საქართველოში პირველი ჰიპერმარკეტების ქსელის „გუდვილის“ მიერ.. #გუდვილი დამსაქმებელმა სტუდენტებს მოქნილი სამუშაო გრაფიკი და შრომითი კანონმდებლობის სრული დაცვით დასაქმება შესთავაზა (მათ შორის, კომფორტული გარემო, უსაფრთხოება, ანაზღაურება და დასაქმებულთა სხვადასხვა უფლებების დაცვა). კარიერული განვითარების სერვისის ფარგლებში, კოლეჯი აგრძელებს თანამშრომლობას გუდვილთან და აპლიკაციის შევსებას სთავაზობს ნებისმიერ დაინტერესებულ პირს ადმინისტრაციაში. გისურვებთ წარმატებას.. საქველმოქმედო კლუბის ფარგლებში, დღეს კოლეჯში სისხლის დონაციის აქცია მოეწყო, რომელშიც მონაწილეობა მიიღეს დაწესებულების ადმინისტრაციის წარმომადგენლებმა და პროფესიულმა სტუდენტებმა/მსმენელებმა. თითოეულის მიერ გაღებული სისხლით შეიძლება მინიმუმ სამი ადამიანის გადარჩენა... 'გაეცი სისხლი, გადაარჩინე სიცოცხლე'..

View More
წარმატებული კურსდამთავრებულთა შეხვედრა სტუდენტებთან

წარმატებული კურსდამთავრებულთა შეხვედრა სტუდენტებთან

კურსდამთავრებულთა კლუბის ფარგლებში, 19 ივლისს ახლადჩარიცხული სტუდენტებისთვის ღია კარის დღე მოეწყო. ღონისძიებაზე მოწვეულები იყვნენ სხვადასხვა პროგრამის კურსდამთავრებულები, რომელთაც გამოცდილება გაუზიარეს მომავალ სტუდენტებს და უპასუხეს მათთვის დასმულ შეკითხვებს, რომელიც კოლეჯში სწავლებას და დასაქმების პერსპექტივებს შეეხებოდა. კლუბის ფარგლებშიც, მუდმივად ხდება წარმატების ისტორიების გაზიარება და კურსდამთავრებულებისა და მოქმედი სტუდენტების პროფესიული დაკავშირება. კურსდამთავრებულების ჩართვა პროფესიული განათლების პოპულარიზაციის ერთ-ერთი მთავარი ბერკეტია.

View More
ნარკო-ტრეფიკინგის წინააღმდეგ ცნობიერების ამაღლების ტრენინგი

ნარკო-ტრეფიკინგის წინააღმდეგ ცნობიერების ამაღლების ტრენინგი

გაერთიანებული ერების ორგანიზაციის გენერალურმა ასამბლეამ, 1987 წლის 7 დეკემბრის 42/112 რეზოლუციით 26 ივნისი ნარკოტიკებისა და უკანონო ნარკო-ტრეფიკინგის წინააღმდეგ ბრძოლის საერთაშორისო დღედ გამოაცხადა. სსიპ _ კოლეჯი “გლდანის პროფესიული მომზადების ცენტრი” უერთდება გაეროს ფარგლებში საერთაშორისო დღის აღნიშნვას ანტინარკოტიკული კვირეულის სახით. ამ მიზნით, დღეს პროფესიული სტუდენტებისთვის ჩატარდა ინტერაქციული შეხვედრა ნარკომანიასა და ნარკოტიკების უკანონო ბრუნვასთან ბრძოლის შესახებ. ფსიქიკური ჯანმრთელობის და ნარკომანიის პრევენციის ცენტრის წარმომადგენლებმა ახალგაზრდებს გააცნეს ნარკოდანაშაულთან ბრძოლის პოლიტიკა და ნარკოტიკების მოხმარების უარყოფითი შედეგები. შეხვედრის ფარგლებში, 100-მდე პროფესიულ სტუდენტს აუმაღლდა ცნობიერება ნარკოტიკებით გამოწვეული ზიანის შესახებ, რაც, დადებითად აისახება მომავალში ნარკოდამოკიდებულთა სტატისტიკის შემცირებაზე და ჯანსაღი ცხოვრების წესის წახალისებაზე. ერთად გადავჭრათ ნარკომანიასთან დაკავშირებული გლობალური პრობლემები და გავაძლიეროთ ქმედებები საზოგადოების ინფორმირებულობის დონის ამაღლების გზით.

View More
ფეხბურთის შიდა ჩემპიონატი

ფეხბურთის შიდა ჩემპიონატი

სპორტის კლუბის ფარგლებში, სსიპ _ კოლეჯ “გლდანის პროფესიული მომზადების ცენტრში” ფეხბურთის შიდა ჩემპიონატი გაიმართა. მასში მონაწილეობა მიიღეს სხვადასხვა პროფესიული პროგრამების სტუდენტებმა. ტურნირი ძალიან საინტერესო და დაძაბული აღმოჩნდა. საფეხბურთო ჩემპიონატის გარდამავალი თასი “მსუბუქი ავტომობილის ძრავას შეკეთების” პროფესიულ სტუდენტებს გადაეცათ. დამატებით გამოვლინდა 5 საუკეთესო მოთამაშე, რომელთაც გადაეცათ სპეციალურად მათთვის დამზადებული მედლები. შერჩეული სტუდენტები სსიპ - კოლეჯი “გლდანის პროფესიული მომზადების ცენტრის” სახელით, იასპარეზებენ 25 ივნისს დაგეგმილ კოლეჯებს შორის ჩემპიონატზე. სსიპ _ კოლეჯი “გლდანის პროფესიული მომზადების ცენტრი” გამარჯვებას უსურვებს მათ.

View More
...
...
...
...
College Dog
Tbilisi, Ilia Vekua Street, №44
(032) 2-140-314
profgldaniedu@gmail.com