საერთაშორისო თანამშრომლობა ჩინეთის ნანჩონ(გ)ის პროფესიულ და ტექნიკურ კოლეჯთან
სსიპ - კოლეჯ „გლდანის პროფესიული მომზადების ცენტრმა“, ჩინეთის საგანმანათლებლო პროგრამების კოორდინატორის საქართველოში, ნინო გელანტიას ინიციატივით, დაამყარა თანამშრომლობა ჩინეთის ნანჩონ(გ)ის პროფესიულ და ტექნიკურ კოლეჯთან, რომელიც ერთ-ერთი უძველესი და წამყვანი სახელმწიფო პროფესიული საგანმანათლებლო დაწესებულებაა და საერთაშორისო სტუდენტებს თანამედროვე, ხარისხიან და პრაქტიკაზე ორიენტირებულ პროფესიულ განათლებას სთავაზობს.თანამშრომლობის ფარგლებში, 2 ივლისს, კოლეჯში გაიმართა საინფორმაციო შეხვედრა, რომელსაც უძღვებოდა ორგანიზაცია GYRSA-ს დამფუძნებელი და ჩინეთის სასწავლო პროგრამების კოორდინატორი საქართველოში, ნინო გელანტია.შეხვედრაზე დამსწრეებმა მიიღეს დეტალური ინფორმაცია ჩინეთში პროფესიული განათლების შესაძლებლობების, ნანჩონ(გ)ის პროფესიული და ტექნიკური კოლეჯის, სასწავლო პროგრამების, თანამედროვე ინფრასტრუქტურის, საერთაშორისო სტუდენტებისთვის შექმნილი გარემოსა და დაფინანსების შესაძლებლობების შესახებ. შეხვედრა ინტერაქტიულ ფორმატში, კითხვა-პასუხის რეჟიმში წარიმართაგანსაკუთრებული სიამაყით აღვნიშნავთ, რომ ჩვენი კოლეჯის ორმა პროფესიულმა სტუდენტმა წარმატებით გაიარა შერჩევის ყველა ეტაპი და მიმდინარე წლის სექტემბერში გაემგზავრება ჩინეთში, სადაც სწავლას ნანჩონ(გ)ის პროფესიულ და ტექნიკურ კოლეჯში გააგრძელებსასევე, გამოცხადებულია 2027 წლის მიღებისთვის წინასწარი რეგისტრაცია, რაც დაინტერესებულ ახალგაზრდებს კიდევ ერთხელ აძლევს შესაძლებლობას, გახდნენ საერთაშორისო საგანმანათლებლო პროგრამის მონაწილეები.საერთაშორისო თანამშრომლობა მნიშვნელოვან როლს ასრულებს პროფესიული განათლების განვითარებასა და სტუდენტებისთვის ახალი საგანმანათლებლო შესაძლებლობების შექმნაში.
